بلسان مكسور
مهزوم من شكله وأصحابه
أنا مش مبتور
أنا بس مريض
م القيل والقال
محتاج دكتور
او تين صلصال
محتاج اتحرر من ضعفي
محتاج لإرادة ومش عارف
أنا طفل برئ
او كون تالف
احترت ف وصفي عشان ملّيت
والنبي يا إخوانا بجد ياريت
لو حد شايفني ب عين فالح
او ممكن بالوقت هيفلح
ساعدوني ان شالله ب حتي كلام
محتاج لإرادة مهيش فيا
أنا نفسي أكون مؤمن بيا
لكن أفعال الناس سكين
رغم إن أنا وانتوا حبة طين
القصة بتكمن ف المغزي
وأنا مغزي حياتي بجد خراب
مكسور م الوحدة وبتألم
والضحكة ف وسط الناس بايخة
ملمحتش حد لاحظها وقال
مالك يا فلان ؟!
انا مش إنسان زي جانبكم
انا اه إنسان لكن حساس
حساس ب زيادة يزيد عنكم
مزاجنجي ب كلمة تجيبه الأرض
أو ممكن كلمة تنبت ورد
والضحكة تكون مش سيعاني
بلسان مهزوم
ف عينيكم جاني
انصبوا محمكة وهاتولي قاضي
قبليها قولولي ،
أنا تهمتي ايه ؟
1- يمكن حبيتكم ب زيادة ؟
2- يمكن علشان مش متلون ؟
3- يمكن صداقتكم كات غلطة ؟!
جاوبوني بجد التهمة ف إيه ؟
لو شوفتوا إزاي الدنيا ف عيني !
او شوفتوا ب عيني ،
هصبح ف عينيكم مجني عليه !!)
شكرا او أقول كتر خيركم
علشان مش ممكن من غيركم
أصبح دكتور
دكتور بيعالج كل الناس
وبيفشل يلقي علاج نفسه !
شكرا ع اليأس اللي أنا حاسه ..))
#أميرة_العربي
#مزاجنجي